Mbi 1 milion euro investime në aparaturën e re të shërbimeve në Klinikën e Neurokirurgjisë

17:13 | 5 Shtator 2023
E.K

Ministria e Shëndetësisë ka njoftuar të martën se në Klinikën e Neurokirurgjisë në Qendrën Klinike Universitare të Kosovës (QKUK), ka arritur një aparaturë e re në vlerë të 1 milion e 770 mijë euro.

Sipas njoftimit, ky shërbim i ri përfshin intervenime të cilat nuk kanë qenë të mundura të realizohen më parë në QKUK, veçanërisht për rastet të cilat diagnostikohen me forma më agresive të kancerit që origjinën e kanë në tru, shkruan Arbresh.info.

Tutje, në njoftim thuhet se me  fillimin e këtij shërbimi të ri në Klinikën e Neurokirugjisë, do të reduktohet edhe numri i pacientëve që kanë nevojë për trajtim jashtë vendit.

” QKUK po zbaton planin dinamik përgatitor me qëllim të funkionalizimit të aparaturës, ndërsa bashkë me pajisjet e tjera siç janë sistemi i fluoroskopisë 3D, neuroendoskopi dhe tabela e kirurgjisë kurrizore, vlera e investimeve në Klinikën e Neurokirugjisë arrin në vlerën 1 milion e 770 mijē euro”, përfundon njoftimi. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm